ڪئنالن جي معاملي تي سازش رچائي عوام کي گمراهه ڪري پ پ کي بدنام ڪيو پيو وڃي :سيد مراد علي شاهه

سنڌ جي وڏي وزير سيد مراد علي شاهه جو چوڻ آهي ته ڪئنالن جي معاملي تي سازش رچائي عوام کي گمراهه ڪري پ پ کي بدنام ڪيو پيو وڃي، پيپلزپارٽي پاڻي مسئلي تي احتجاج ڪندڙن سان گڏ آهي، اڌ ڪلاڪ جي تقرير ۾ پنج منٽ ڪئنالن تي ۽ 25 منٽ پ پ خلاف ڳالهايو پيو وڃي. ٺٽي ۾ عوامي ميڙاڪي کي خطاب ڪندي وڏي وزير مراد علي شاهه عوام سان گڏجي ڪئنال سمورا نامنظور جا نعرا هنيا. سندس چوڻ هو ته چيو پيو وڃي صدر سنڌو درياهه مان ڪئنال ڪڍڻ جي اجازت ڏني آهي، چولستان ۽ ٻين ڪئنالن جي منصوبي جي 2018ع ۾ هڪ فيزيبلٽي تيار ڪئي وئي، کين خبر نه هئي ته 2018ع کان 2023ع تائين پ پ جي حڪومت هئي، اها فيزيبلٽي هڪ انچ اڳتي نه وڌي، هڪ انچ به ڪم نه ٿيو، ڇاڪاڻ ته انهن کي خبر هئي ته جيستائين پاڪستان پيپلز پارٽي موجود آهي، اها ان تي ڪا به ڪاغذي ڪارروائي ڪرڻ جي اجازت نه ڏيندي. سندس چوڻ هو ته پيپلز پارٽي خلاف مهم شروع ڪرڻ لاءِ پروپيگنڊا ٿي رهي آهي، اڌ ڪلاڪ جي تقريب ۾ پنج منٽ ڪئنالن بابت ۽ 25 منٽ پيپلز پارٽي خلاف ڳالهايو پيو وڃي. هن چيو ته سندن دلين ۾ رڳو هڪ ڳالهه آهي ته هو ڪنهن جي خلاف ناهن، هو انهن سان به گڏ آهن جيڪي احتجاج ڪري رهيا آهن، وڏي وزير چيو ته هو ڪنهن جي خلاف نه ڳالهائي رهيو آهي، صرف اهو چئي رهيو آهي ته اهي سندس ڀائر آهن، پر هر ڪنهن کي سچ ڄاڻڻ گهرجي. سيد مراد علي شاهه چيو ته جنوري 2024 ۾ ارسا جو اجلاس نگران حڪومت دوران ٿيو هو، پيپلز پارٽي اليڪشن ۾ وڃي رهي هئي ۽ سڀ عوام وٽ هئا، ان دوران اجلاس ۾ پنجاب حڪومت پروپورشن آندو، چيو پيو وڃي ته هر سال 27 ملين ڪيوبڪ فوٽ پاڻي ڪوٽڙي کان هيٺ ضايع ٿئي ٿو ۽ جيڪا گهرج آهي ان حوالي سان هو ان کي نٿا مڃين. سندس چوڻ هو ته ڇهه ملين ايڪڙ فوٽ انگ اکر جيڪي 1991 جي واٽر ڪارڊ مان آهن،انهن ۾ جيڪا گهٽتائي آهي اها 11 ملين ايڪڙ فوٽ آهي. هن چيو ته ست ملين ايڪڙ فوٽ ٻوڏ جو پاڻي آهي، جنهن جو 37 سيڪڙو پنجاب ۾ موٽر هاٽ جي حوالي سان آهي، جيڪي انگ ڪجهه ملين آهن، ان تي هي ڪينال ٺاهيندا؟ عقل جا انڌا انگن جي جاچ ڪرڻ کانسواءِ منظوري ڏين ٿا. وڏي وزير چيو ته انهيءَ ڪري پيپلز پارٽي سنڌ مان هڪ نمائندو مقرر ڪيو، جنهن اعتراض ڪيو ۽ هن منظوري ۾ سندس ٻن صفحن جو اختلافي نوٽ شامل آهي ۽ هن ساڳيون ڳالهيون چيون، جيڪي هو ڪري رهيا آهن. هن چيو ته گرين پاڪستان انيشيئيٽو تي عمل ٿي رهيو آهي، ان ۾ ڪيتريون ئي شيون آهن، لائيننگ ڪئي ويندي، ٽريپ ايريگيشن ۽ پاڻ کي صاف ۽ بچائڻ جا طريقا استعمال ڪيا ويندا. مراد علي شاهه چيو ته هنن وڌيڪ زمين حاصل ڪرڻ ۽ ڇهن ڪينالن جو ذڪر ڪيو، جنهن تي صدر آصف زرداري کين صوبن سان ڳالهائڻ لاءِ چيو، صدر کي ڪنهن به منصوبي جي منظوري يا رد ڪرڻ جو اختيار ناهي. وڏي وزير چيو ته صدر زرداري کيس آگسٽ يا سيپٽمبر ۾ گهرايو ۽ بريفنگ ورتي، ، جنهن تي صدر کي ٻڌايو ته کين روڪيو ويو آهي. هن چيو ته انهيءَ دوران هنن سي ڊبليو پي جو اجلاس گهرايو، جنهن ۾ ڪو به سياستدان ناهي هوندو، جتي اسان جو پلاننگ سيڪريٽري ويو ۽ هن ان جي سخت مخالفت ڪئي، پر هنن زبردستي ان جي منظوري ڏئي ڇڏي. مراد علي شاهه چيو ته هن ڊپٽي وزيراعظم کي خط لکيو ته ايڪنڪ جو اجلاس سڏايو وڃي ۽ کيس چيو ته هن منصوبي کي اڳتي نه وڌايو وڃي، اسان هن منصوبي کي سي سي آءِ ۾ چئلينج ڪيو آهي. وڏي وزير چيو ته ڊپٽي وزيراعظم سندس ڳالهه مڃي نومبر ۾ ايڪنڪ جي اجلاس ۾ اهو ايجنڊا آيو پر پر ڊپٽي وزيراعظم چيو ته سنڌ کي اعتراض آهي ۽ ان کي خارج ڪيو وڃي. سندس چوڻ هو ته گذريل سال ڪا به نئين اسڪيم شروع نه ڪئي وئي، هن سال نوان منصوبا شروع ڪيا پيا وڃن، هر ضلعي ۾ گهٽ ۾ گهٽ 5 ارب رپين جون اسڪيمون ڏنيون وينديون. مراد علي شاهه چيو ته هڪ ڪميٽي ٺاهي ويندي، جيڪا اسڪيمن جون تجويزون وٺندي. مراد علي شاهه چيو ته چيئرمين بلاول ڀٽو زرداري جي هدايت تي اڄ هو پارٽي ڪارڪنن سان ملڻ آيو آهي، جنهن جي شروعات ٺٽي ۽ سجاول ضلعن کان ڪئي، هن سال اپريل ۾ سڀني ضلعن ۾ وينداسين. وڏي وزير چيو ته ڪارڪنن جي تجويزن تي هڪ ارب رپين جون اسڪيمون ڏنيون وينديون، ڊپٽي ڪمشنر اسڪيمون ٺاهڻ ۾ مدد ڪندا. سندس چوڻ هو ته ٺٽي ۽ سجاول کي تجويزون ڏيڻ لاءِ 15 ڏينهن ڏنا پيا وڃن، وڏيون اسڪيمون ڪارڪنن کان اينديون، جيڪي منظور ٿينديون. سنڌ جي ماڻهن هميشه پيپلز پارٽي جو ساٿ ڏنو آهي، پيپلز پارٽي عوام جو خيال رکي ٿي، پيپلز پارٽي جي طاقت عوام آهي. وڏي وزير مراد علي شاهه چيو ته سنڌ ڪوسٽل هاءِ وي تي ڪم جاري آهي، لياقت ميڊيڪل يونيورسٽي ڪاليج جو افتتاح ڪيو، اڄ کان ڪلاس شروع ٿي ويا آهن. هن چيو ته جڏهن ٻوڏ آئي، چيئرمين بلاول ڀٽو زرداري جي حڪم تي متاثرين لاءِ 21 لک گهر ٺاهي ڏئي رهيا آهيون، جڏهن طوفان سائيڪلون ٽو ٺٽي، سجاول ۽ بدين سان ٽڪرايو ته کين ڪنهن به متاثرن کي گهر ٺاهي نه ڏنا، سنڌ حڪومت رڳو گهر ٺاهي نه ڏنا، پر مالڪي جا حق به ڏئي رهيا آهن. وڏي وزير چيو ته پاڻي جو مسئلو سڄي صوبي ۾ آهي، پر ٺٽو ۽ سجاول آخر ۾ هجڻ ڪري سخت کوٽ آهي. وڏي وزير سيد مراد علي شاهه چيو ته درياهه اسان جو آهي ۽ ان جو پاڻي ڪنهن کي به نه ڏينداسين، پاڻي تي سياست ڪري پيپلز پارٽي کي بدنام ڪرڻ جي سازش ڪئي پئي وڃي. سندس چوڻ هو ته عالمي اصولن موجب پڇڙي ۾ رهندڙ ماڻهن جو درياهه جي پاڻي تي حق آهي، تنهن ڪري سنڌ جو پاڻي تي سڀ کان وڌيڪ حق آهي. سيد مراد علي شاهه چيو ته مخالف چون ٿا ته حڪومت ڇو نه ٿا ڇڏيون، پيپلز پارٽي ڪينالن جي تعمير ۾ سڀ کان وڏي رڪاوٽ آهي، اهي پيپلز پارٽي کي عوام کان پري ڪرڻ چاهين ٿا، اها انهن جي سازش آهي. وڏي وزير وزير چيو ته پيپلز پارٽي سنڌ جي حقن لاءِ ڀت وانگر بيٺي آهي، چيئرمين بلاول ڀٽو زرداري 4 اپريل تي وزيراعظم کي چيو ته جيڪڏهن هي منصوبو ختم نه ڪيو ويو ته هو سنڌ جي عوام سان گڏ هوندو ۽ حڪومت جي حمايت نه ڪندو. هن چيو ته جيڪڏهن هو تڪڙ ۾ غلط فيصلو ڪن ۽ حڪومت کي ڪيرائين؟ ڇا چونڊون ٿينديون؟  ڇا اسان جو ملڪ چونڊن جو متحمل ٿي سگهي ٿو؟ سندس چوڻ هو ته جڏهن ڪا به جمهوري طاقت نه هوندي، مخالف ڌر چاهي ٿي ته انهن وٽ فري هينڊ ملي ۽ هن ملڪ سان جيڪو به چاهين ڪن. وڏي وزير چيو ته صدر آصف زرداري ۽ چيئرمين بلاول ڀٽو زرداري جي قيادت ۾ پيپلزپارٽي ڪنهن به سنڌ مخالف منصوبي کي تعمير ڪرڻ جي اجازت نه ڏيندي، سنڌو درياهه جنهن ۾ چناب، راوي، جهلم، ستلج شامل آهن اهي اسان جا آهن، جنهن تي ڪئنال ٺاهڻ جي اجازت نه ڏينداسين. مراد علي شاهه چيو ته صدر زرداري پارليامينٽ ۾ چيو ته هو انهن ڪينالن جي حمايت نٿو ڪري. سندس چوڻ هو ته جيڪڏهن سڄي دنيا ۾ ڪو به ماڻهو اهو ثابت ڪري ته 27 ملين ايڪڙ فوٽ پاڻي ڊيلٽا ۾ وڃي ٿو ته پوءِ اسان جو ڏوهه آهي، ڊيلٽا ۾ ڪيترائي سال اهڙا هوندا آهن جڏهن پاڻي جو هڪ ڦڙو به سمنڊ تائين ناهي پهچندو، ڇا ڊيلٽا جي ويجهو رهندڙن کي ماريندا؟ هن وڌيڪ چيو ته سڄي ملڪ ۾ هاءِ ويز ٺهي ويا، رڳو سکر-حيدرآباد هاءِ وي نه ٺهيو، وزير اعظم کي سکر-حيدرآباد روڊ ترجيحي بنيادن تي تعمير ڪرڻ جي گزارش ڪريون ٿا. وڏي وزير چيو ته سکر-حيدرآباد موٽر وي صرف سنڌ جو منصوبو ناهي، سڄي پاڪستان جو منصوبو آهي. مراد علي شاهه چيو ته اهي سي سي آءِ ۾ اڪثريت ۾ آهن، هو اڪيلو انهن لاءِ ڪافي آهي ۽ هو ثبوتن سان ڳالهائي رهيو آهي، هنن وٽ ڪو به جواب ناهي، جيڪڏهن هجي ها، ته اهي ان کي 2018 کان 2023 تائين منظور ڪن ها، نگران حڪومت ائين ڇو ڪيو ويو؟ اڃا تائين سي سي آءِ مان منظور نه ڪرائي سگهيا آهن. وڏي وزير مراد علي شاهه چيو ته چيئرمين بلاول ڀٽو 18 اپريل تي حيدرآباد ۾ جلسو ڪري رهيو آهي، جنهن ۾ سنڌ جو عوام ضرور شرڪت ڪندو.