- Advertisement -
ڪراچي جي عدالت ڪارساز حادثي ڪيس جي جوابدار نتاشا جي منشيات ڪيس ۾ ضمانت بابت درخواست رد ڪري ڇڏي، جڏهن ته جوابدار جي وڪيلن ڊسٽرڪٽ سيشن جج اوڀر جي عدالت ضمانت بابت نئين درخواست داخل ڪرائي ڇڏي.
جوڊيشل مئجسٽريٽ اوڀر جي عدالت ۾ ڪارساز حادثي ڪيس جي جوابدار نتاشا جي منشيات ڪيس ۾ ضمانت بابت درخواست جي ٻڌڻي ٿي.
عدالت منشيات ڪيس ۾ جوابدار نتاشا جي ضمانت بابت درخواست رد ڪري ڇڏي.
ضمانت رد ٿيڻ بعد جوابدار نتاشا جي جيل مان آزادي واري اميد ختم ٿي وئي.
عدالت منشيات ڪيس ۾ جوابدار نتاشا جي ضمانت بابت درخواست رد ڪرڻ جو لکت ۾ حڪم نامو جاري ڪري ڇڏيو.
عدالت جو چوڻ آهي ته وڪيل نتاشا جي ضمانت بابت عدالت کي مطمئن نه ڪري سگهيو آهي، سندس رت ۽ يورين جا نمونا غير محفوظ رهڻ جي دعويٰ غلط آهي، اعليٰ تعليم يافتا عورت طرفان نشي ۾ گاڏي هلائڻ حيرت جهڙي ڳالهه آهي، نتاشا جي ضمانت سان معاشري تي ناڪاري اثر پوندو.
جوابدار نتاشا جي وڪيل عامر منصوب قريشي ۽ عمر گوراڻي ڊسٽرڪٽ سيشن جج اوڀر جي ڪورٽ ۾ نتاشا جي ضمانت بابت نئين درخواست داخل ڪرائي ڇڏي.
وڪيل موقف اختيار ڪيو ته جوڊيشل مئجسٽريٽ حقيقن کي نظر انداز ڪندي نتاشا جي ضمانت رد ڪئي آهي.
هنن چيو ته اهو ممڪن ئي ناهي ته هڪ شخص جا ٻه سيمپل ورتا وڃن ۽ ٻنهي جي رپورٽ ڌار ڌار اچي، هڪ ئي واقعي ۾ 2 ڪيس داخل ڪرڻ به قانون جي ڀڃڪڙي آهي، نتاشا جي ضمانت بابت درخواست منظور ڪئي وڃي.- Advertisement -
