ڪراچي جي علائقي جمالي پل ويجهو فائرنگ جي نتيجي ۾ هڪ عورت قتل ۽ نينگر زخمي ٿي پيو.
سپر هاءِ وي تي جمالي پل واري علائقي ۾ تاج پمپ ويجهو هٿياربندن فائرنگ ڪئي.
فائرنگ جي نتيجي ۾ هڪ عورت قتل ۽ هڪ نينگر زخمي ٿي پيو.
اطلاع ملڻ بعد پوليس واقعي واري هنڌ پهچي مقتول عورت جو لاش ۽ زخمي نينگر کي کڻائي عباسي شهيد اسپتال پهچايو.
پوليس جو چوڻ آهي ته مقتول عورت جي 45 ورهين جي نصرت زال رحماني گل ۽ زخمي نينگر جي 14 ورهين جنيد پٽ رحماني گل طور سڃاڻپ ٿي.
پوليس موجب واقعي بعد عورت جو لاش ۽ زخمي نينگر کي اسپتال منتقل ڪيو ويو آهي وڌيڪ جاچ ڪئي پئي وڃي
