ڪراچي ۾ اي وي سي سي ۽ سي آءِ اي پوليس ڪامياب ڪارروائي ڪندي رٽائرڊ ميجر جي اغوا ۾ ملوث مک جوابدار کي گرفتار ڪري ورتو.
ايس پي اي وي سي سي جي ترجمان جو چوڻ آهي ته ايس ايس پي اي وي سي سي جي هدايت تي پوليس ٽيم رٽائرڊ ميجر احمد وسيم جي اغوا ۾ ملوث مک جوابدار محمد نور العين قاضي کي گرفتار ڪري ورتو آهي.
ترجمان موجب، گرفتار جوابدار پنهنجي ساٿين سان گڏجي 28 سيپٽمبر تي گزري ٿاڻي جي حد مان رٽائرڊ ميجر وسيم احمد کي اغوا ڪري سندس گهرڀاتين کان 20 ڪروڙ رپيا ۽ سونا بسڪٽ ڀنگ طلب ڪيو هو.
ايس پي اي وي سي سي جي ترجمان جو چوڻ آهي ته رٽائرڊ ميجر جي اغوا جو ڪيس گزري ٿاڻي تي داخل ٿيو ۽ جاچ اي وي سي سي حوالي ڪئي وئي، 29 سيپٽمبر تي اي وي سي سي ۽ حساس ادارن جي ٽيم ناظم آباد ۾ ڪارروائي ڪري مغوي کي حفاظت سان بازياب ڪرايو ۽ اغوا ڪندڙ فرار ٿي ويو.
ترجمان موجب، گرفتار جوابدار جو ڪرمنل رڪارڊ چيڪ ۽ وڌيڪ جاچ ڪئي پئي وڃي، وڌيڪ انڪشافن جو امڪان آهي.
