ڪراچي کان پرڏيهه ويندي 35 مسافرن کي آف لوڊ ڪيو ويو آهي.
ايف آءِ اي ذريعن موجب 18 مسافر عمري جي ويزا تي وڃي رهيا هئا، پر سندن ايڊوانس هوٽل بڪنگ ۽ خرچن لاءِ مناسب رقم نه هجڻ سبب کين آف لوڊ ڪيو ويو.
ٽن مسافرن کي ورڪ ويزا تي سعودي عرب ويندي آف لوڊ ڪيو ويو.
ايف آءِ اي ذريعن موجب امارات ويندڙ ٽن ڄڻا ايڊوانس هوٽل بڪنگ ۽ خرچن لاءِ مناسب رقم نه هجڻ سبب آف لوڊ ڪيا ويا.
اهڙي طرح ملائيشيا ويندي هڪ مسافر کي ويزا پروٽيڪٽر نه هڻ ۽ ٻين سببن جي ڪري روڪيو ويو.
اهڙي طرح 4 ڄڻن کي پرسنل وزٽ ويزا تي سعودي عرب ويندي، هڪ عورت کي فيملي ويزا بابت دستاويز نه هجڻ تي آف لوڊ ڪيو ويو.
هڪ مسافر کي ٽورزم ويزا تي ترڪيا ويندي ايڊوانس هوٽل بڪنگ ۽ مناسب فنڊز نه هجڻ سبب آف لوڊ ڪيو ويو
