ڪراچي ۾ مبينا پوليس مقابلي ۾ 5 ڦورو مارجي ويا ۽ 2 ڏوهاري فرار ٿي ويا.
پوليس جو چوڻ آهي ته نيو ڪراچي سيڪٽر 11 بي واري علائقي ۾ 7 ڏوهاري ڦر جي نيت سان هڪ گهر ۾ داخل ٿيا ته اطلاع تي پوليس پهچي وئي.
پوليس جو وڌيڪ چوڻ هو ته ڏوهاري سان مقابلي دوران فائرنگ جي ڏي وٺ ۾ 5 ڦورو مارجي ويا ۽ 2 فرار ٿي ويا.
پوليس موجب مارجي ويل ڏوهارين جي قبضي مان هٿيار ۽ ڦر ڪيل سامان هٿ ڪيو ويو آهي.
پوليس جو چوڻ هو ته مارجي ويل ڏوهاري جا لاش اسپتال منتقل ڪيا ويا آهن.
