ڪشمور ۾ هٿياربند هوٽل تي ويٺل هندو نوجوان کي اغوا ڪري ويا، واقعي خلاف هندو برادري ۽ شهرين پاران ٿاڻي آڏو ڌرڻو هنيو ويو.
مک مارڪيٽ ۾ هوٽل تي هٿياربندن ڪاهه ڪئي، ويٺل ماڻهن کان ڦرلٽ ڪرڻ کانپوءِ نوجوان ساگر ڪمار کي اغوا ڪري کڻي ويا.
اهڙي واردات کانپوءِ هندو برادري ۽ شهرين ڪشمور ٿاڻي آڏو احتجاجي مظاهرو ڪري ڌرڻو هنيو.
شهرين جو چوڻ آهي ته شهر ۾ بدامني زور وٺي وئي آهي، پوليس ڪابه ڪارروائي ڪرڻ لاءِ تيار ناهي.
هنن چتاءُ ڏيندي چيو ته جيستائين نوجوان ساگر ڪمار کي بازياب نه ڪرايو ويندو سندن ڌرڻو جاري رهندو.
