ڪشمور ويجهو موٽرسائيڪل تي سوار هٿياربندن جي فائرنگ ۾ نوجوان مارجي ويو، وارثن پاران جوابدارن گرفتاري لاءِ احتجاجي مظاهرو ڪري ڌرڻو هنيو.
آرڊي 45 وٽ اڻڄاتل هٿياربندن گوليون هڻي نوجوان شاهنواز شر کي قتل ڪري فرار ٿي ويا.
مقتول جي وارثن ڊيرا موڙ وٽ نوجوان جو لاش رکي مظاهرو ڪري ڌرڻو روڊ بلاڪ ڪري ڇڏيو.
وارثن جو چوڻ آهي ته پوليس جي نااهلي سبب چوريون، ڌاڙا ۽ قتل روز جو معمول بڻيل آهن.
هنن چتاءَ ڏيندي چيو ته نوجوان جي قاتلن جي گرفتاري تائين سندن ڌرڻو جاري رهندو.
