ڪشمور  ۾ مغوين جي بازيابيءَ لاءِ ٽئين ڏينهن به ڌرڻو جاري

ڪشمور  ۾ مغوين جي بازيابيءَ لاءِ ٽئين ڏينهن به ڌرڻو جاري آهي.

گڊو ۾ ڊيرا موڙ وٽ ڌرڻي سبب سنڌ ۽ پنجاب ايندڙ ويندڙ ٽريفڪ معطل ٿي وئي.

 احتجاج ۾ مغوين جا وارث، واپاري، شهري ۽ هندو برادري وڏي انگ ۾ شريڪ آهي.

ايس ايس پي ڪشمور رات دير تائين مغوي ڊاڪٽر منير احمد نائچ جي وارثن کي سندس بازيابيءَ جو آسرو ڏيندو رهيو صبح جو معذرت ڪري ڇڏي.

ٽن ڏينهن کان ڌرڻو جاري رهڻ باوجود اڃا تائين هڪ به مغوي بازياب ناهي ٿي سگهيو.

مغوي ڊاڪٽر منير احمد نائچ جي ڀاءُ آفتاب احمد نائچ جو چوڻ آهي ته سندس ڀاءُ اڃا تائين بازياب ناهي ٿي سگهيو.

احتجاج ڪندڙن مغوين جي بازيابيءَ لاءِ ڌرڻو جاري رکڻ جو اعلان ڪري ڇڏيو.