ڪشمير تي ڀارت جي غيرقانوني قبضي خلاف ڪشميرين طرفان اڄ ڪارو ڏينهن ملهايو پيو وڃي

ڪشمير تي ڀارت جي غيرقانوني قبضي خلاف ڪشميرين طرفان اڄ ڪارو ڏينهن ملهايو پيو وڃي، سنڌ جي مختلف شهرن ۾ به ڪشمير جي حمايت ۾ ريليون ڪڍيون ويون. حيدرآباد ۾ ڪشميري عوام سان ٿيندڙ ظلم خلاف ڊي سي زين العابدين جي اڳواڻي ۾ شهباز بلڊنگ اڳيان ريلي ڪڍي وئي، ريلي ۾ شهرين ۽ مختلف مذهبي تنظيمن جي اڳواڻن شرڪت ڪئي. لاڙڪاڻي ۾ جماعت اسلامي پاران ڪشمير تي ڀارتي قبضي خلاف ايڊووڪيٽ نادر علي کوسو، رميز راجا شيخ، عباس علي ڏاهاڻي، ابو زبير جکرو، رياض مشوري، عبدالحميد مغل ۽ ٻين جي اڳواڻي ۾ احتجاجي ريلي ڪڍي وئي. نوابشاهه ۾ اي سي اقبال احمد تنيو جي اڳواڻي ۾ ڊپٽي ڪمشنر آفيس کان پريس ڪلب تائين ريلي ڪڍي ڀارت خلاف ۽ ڪشمير جي حق ۾ نعريبازي ڪئي وئي. ملير ۾ ابراهيم حيدري ٽائون ميونسپل ڪارپوريشن جي چيئرمين نظير احمد ڀٽو جي اڳواڻي ۾ ٽائون آفيس کان قومي شاهراهه تائين ڪشميرين سان يڪجهتي لاءِ  ريلي ڪڍي وئي. ڪوٽڙي ۾ ڊي سي ڄامشوري جي اڳواڻي ۾ ڪشميرين سان يڪجهتي لاءِ احتجاجي ريلي ڪڍي وئي. خيرپور ۾ ضلعي انتظاميا طرفان ڊي سي احمد فواد شاهه، اي سي ارسلان ڦلپوٽو، اسسٽنٽ مختيارڪار شيراز ڦلپوٽو، ڊي ايس پي سٽي فراز ميتلو، ڊي اي او عبدالسميع ڀنڀرو ۽ ٻين جي اڳواڻي ۾ ريلي ڪڍي وئي. دادو ۾ ڊي سي مختيار علي ابڙو، اي سي غلام فاطمه گهلو، پروفيسر محمد عرفان ڪلهوڙو جي اڳواڻي ۾ ڊي سي آفيس کان ريلي ڪڍي وئي. جيڪب آباد ۾ اي سي غلام عباس سڌايو، اي سي احمر افتاب، ڊي ايس پي هيڊ ڪوارٽر شاهزمان ڏهر جي اڳواڻيءَ ۾ ۽ جي يو آءِ پاران ابوبڪر سومرو، عبدالصمد ڪتبار، محمد حنيف کوسو ۽ ٻين جي اڳواڻي ۾ ڪشمير سان يڪجهتي لاءِ ڌار ڌار ريليون ڪڍيون ويون. شڪارپور ۾ اي سي محمد فيضان چيما ۽ اي سي خانپور اياز احمد مشوري جي اڳوڻي ۾ ڪشمير تي ڀارتي قبضي خلاف احتجاجي ريلي ڪڍي وئي. شهدادڪوٽ ۾ مختيارڪار عنايت الله جمالي، ڊاڪٽر امتياز شيخ، ابراهيم دايو ۽ ٻين جي اڳواڻي ۾ مختيارڪار آفيس کان ڌار ڌار ريليون ڪڍي ڪوٽو موٽو چوڪ تي ڌرڻو هنيو ويو. قمبر ۾ ڪشمير سان يڪجهتي لاءِ ڊي سي سجاد حيدر قادري جي اڳواڻي ۾ بوائز هاءِ اسڪول کان پريس ڪلب تائين ريلي ڪڍي وئي. ڪنڌڪوٽ ۾ جماعت اسلامي طرفان حافظ نصر الله چنا، غلام مصطفيٰ ميراڻي ۽ ٻين جي اڳواڻي ۾ ڪشمير تي ڀارت جي قبضي خلاف احتجاجي مظاهرو ڪيو ويو. سجاول ۾ سول سوسائٽي ۽ شهرين طرفان عبدالحميد کٽي، غلام حسين مير بحر، رشيد ميمڻ ۽ ٻين جي اڳواڻي ۾ ڪشمير سان يڪجهتي لاءِ احتجاجي ريلي ڪڍي وئي.