ڪنري: ٽائون ملازم جي قتل واري مامري ۾ اڳڀرائي، جوابدار پاران دوست سان گڏجي قتل ڪرڻ جو اعتراف

ڪنري ۾ جوابدار، دوست سان گڏجي پنهنجي ڀيڻيوي کي قتل ڪرڻ جو اعتراف ڪيو آهي.

ٽائون ملازم غلام نبي کوکر جي ڪيس ۾ گرفتار سندس سالي مهر علي کوکر پاران قتل جو اعتراف ڪيو ويوآهي.

پوليس جوابدار مهر علي کوکر کي عدالت ۾ پيش ڪري 164 جو بيان رڪارڊ ڪرائي ورتو.

عدالت ۾ جوابدار بيان رڪارڊ ڪرائيندي چيو ته مقتول غلام نبي کوکر کي نشي واريون گوريون کارائي دوست سان گڏجي رسي سان گهٽا ڏيئي قتل ڪرڻ بعد سندس لاش  کڏ کوٽي پوري ڇڏيو هو.

عدالت جوابدار مهر علي کوکر جو بيان رڪارڊ ڪرڻ بعد کيس سب جيل عمرڪوٽ اماڻي ڇڏيو.