پ پ ايم پي اي علي حسن زرداري چيو آهي ته ڪيٽي بندر کي ترقي ڏيارڻ محترمه بينظير ڀٽو جو خواب جو جيڪو اڃ ساڀيان ٿي ويو آهي.
پ پ ايم پي ايم علي حسن زرداري ڪيٽي بندر ۾ بجلي ۽ گهوڙا ٻاري ۾ 642 ملين جي لاڳت سان تيار ڪيل 60 بسترن تي ٻڌل اسپتال جو افتتاح ڪيو.
ان موقعي ميڊيا سان ڳالهائيندي علي حسن زرداري چيو ته پيپلزپارٽي عوامي پارٽي آهي، جنهن جو منشور عوام جي خدمت ڪرڻ آهي.
هن چيو ته ڪيٽي بندر جي شهرين کي بجلي جي سهولت ڏيڻ سان گڏ سامونڊي پٽي جي ماڻهن کي صحت جون سهولتون فراهم ڪرڻ لاءِ گهوڙا ٻاري ۾ اسپتال ٺاهي وئي آهي.
پ پ ايم پي اي چيو ته اليڪشن ۾ عوام سان ڪيل سمورا واعدا پورا ڪيا آهن، سامونڊي پٽي ۾ رڪارڊ ترقياتي ڪم ڪرايا آهن.
هن چيو ته ڪيٽي بندر کي واٽر سپلاءِ ۽ بجلي جا ٻه وڏا پراجيٽڪٽ ڏنا آهن. علي حسن زرداري چيو ته گهوڙا ٻاري ۾ قائم ڪيل اسپتال ۾ بهترين ڊاڪٽرن کي مقرر ڪيو ويو آهي
