ڪي پي جي گورنر حاجي غلام علي نگران ڪابينا جي 25 ميمبرن جون استعيفائون منظوري ڪري ورتيون.
جاري ڪيل نوٽيفڪيشن ۾ چيو ويو ته گورنر حاجي غلام عليءَ نگران ڪابينا جي 25 ميمبرن جون استعيفائون منظور ڪيون آهن، جن ۾ 14 نگران وزير، يارهن صلاحڪار ۽ خاص مددگار شامل آهن.
ڪي پي جي نگران وڏي وزير، اعظم خان وزيرن جي استعيفائن جي سمري گورنر ڏانهن موڪلي هئي.
نگران وڏي وزير اليڪشن ڪميشن جي هدايت تي سمورن وزيرن کان استعيفيٰ گهري هئي.
ذريعن موجب نگران وڏو وزير نئين ڪابينا لاءِ غير سياسي ڪابينا جي چونڊ ڪندو ۽ نئين ڪابينا جو اعلان هڪ هفتي دوران ڪيو ويندو. نگران وڏي وزير ميمبرن کي چانهه تي گهرائي کانئن استعيفيٰ منظور ڪئي هئي.
