ڪڏهن به ناهي چيو ته هو وڏي وزير کي قسم نه کڻائيندو : فيصل ڪريم ڪنڊي

خيبرپختونخوا جي گورنر فيصل ڪريم ڪنڊي چيو آهي ته هن ڪڏهن به ناهي چيو ته هو وڏي وزير کي قسم نه کڻائيندو. ڪراچيءَ ۾ ميڊيا سان ڳالهائيندي فيصل ڪريم ڪنڊي چيو ته سندس جيڪو به آئيني فرض آهي هو اهو ادا ڪندو. هن چيو ته سدائين چيو ته قانون ۽ آئين تي عمل ڪيو ويندو، سندس جواب هائيڪورٽ ۾ جمع ٿي چڪو آهي. فيصل ڪريم ڪنڊي چيو ته هر صورت اڄ رات خيبرپختونخوا پهچندو، گورنر وٽ جهاز ناهي هوندو، هن وڏي وزير کي جهاز لاءِ درخواست ڪئي آهي. هڪ سوال جي جواب ۾ فيصل ڪريم ڪڻڊي چيو ته بلاول ڀٽو زرداريءَ سان ڪَنَ ۾ ٿيل ڳالهيون هو ڪنهن کي به نٿو ٻڌائي سگهي.