ڪڪڙ ويجهو ٻٻر برادري جي ٻن ڌرين ۾ جهيڙي ۾ پيرسن مارجي ويو.
ڳوٺ اميد علي ٻٻر ۾ اوڌر تي ورتل پئسا گهرڻ تان ٻٻر برادري جي ٻن ڌرين وچ ۾ جهيڙو ٿي پيو جنهن دوران ڏنڊا لڳڻ جي نتيجي ۾ 65 ورهين جو نظام الدين ٻٻر موقعي تي قتل ٿي ويو.
واقعي جي اطلاع تي پوليس پهچي چڱي مڙس جو لاش تحويل ۾ وٺي کڻائي اسپتال پهچايو جتان ضروري ڪارروائي لاءِ تعلقي اسپتال پهچايو ويو.
اسپتال مان پيرسن جو لاش ضروري ڪارروائي ڪرڻ بعد وارثن حوالي ڪيو ويو.
ٻئي پاسي ڪڪڙ پوليس ڪارروائي ڪري ٻن جوابدارن الهرکيو ۽ بشير ٻٻر کي گرفتار ڪري ورتو.
