گهرو وزير محسن نقوي پاران تربيت هيٺ ‎اي ايس پيز کي پاسنگ آئوٽ وقت پلاٽ ڏيڻ جو اعلان

وفاقي گهرو وزير محسن نقوي چيو آهي ته پوليس آفيسرن جي مالي ڏکيائين جي خاتمي لاءِ خصوصي قدم کنيا پيا وڃن، هو چاهن ٿا ته هر آفيسر پگهار بهتر هجي ۽ آفيسرن جي پروموشن جا مسئلا به حل ڪيا ويندا. وفاقي گهرو وزير محسن نقوي اسلام آباد ۾ نيشنل پوليس اڪيڊمي جو دورو ڪري اڪيڊمي جي مرمتي ڪم جو معائنو ڪيو. وفاقي گهرو وزير ڪمانڊنٽ نيشنل پوليس اڪيڊمي محمد ادريس کي ضروري هدايتون ڏنيون. محسن نقوي ڪانفرنس هال، ڊائننگ هال ۽ ٻين رومز جو به جائزو ورتو. وفاقي گهرو وزير تربيت هيٺ اي ايس پيز کي خطاب ڪندي چيو ته تربيت هيٺ ‎اي ايس پيز کي پاسنگ آئوٽ وقت پلاٽ ڏنا ويندا، موجوده پوليس بيچ کي عالمي معيار موجب تيار ڪيو ويندو. محسن نقوي چيو ته تربيت هيٺ ‎اي ايس پيز کي هڪ مهيني جي تربيت لاءِ چين موڪليو ويندو، ‎اي ايس پيز جي ٽريننگ ۾ جديد گهرجن موجب تربيتي ماڊيولز شامل ڪيا ويندا. سندس چوڻ هو ته ‎آفيسرن جي پيشيوراڻي قابليت ۽ عملي صلاحيتن کي وڌائڻ لاءِ قدم يقيني بڻايا ويندا. وفاقي گهرو وزير چيو ته پوليس آفيسرن جي مالي ڏکيائين جي خاتمي لاءِ خصوصي قدم کنيا پيا وڃن، هو چاهن ٿا ته هر آفيسر پگهار بهتر هجي ۽ آفيسرن جي پروموشن جا مسئلا به حل ڪيا ويندا. ڪمانڊنٽ نيشنل پوليس اڪيڊمي، وفاقي گهرو وزير محسن نقوي کي بريفنگ ڏني………