گپچاڻي واسي شاگرد نشي واريون گوريون واپرائڻ سبب فوت

گپچاڻي واسي انٽر جو شاگرد نشي واريون گوريون کائڻ سبب فوت  ٿي ويو. نوجوان زوھيب پٽ امداد حسين گپچاڻي کي نشي واريون گوريون کائڻ سبب ڳڻتي جوڳي حالت ۾ نواب شاهه اسپتال نيو ويو جتي ھو فوت ٿي ويو. اسپتال مان ضروري ڪاروائي بعد نوجوان جو لاش وارثن حوالي ڪيو ويو، سندس مڙهه گھر پهچڻ تي ڪھرام مچي ويو . وارثن جو چوڻ هو ته نوجوان نشي واريون گوريون کاڌيون جنھن سبب هو فوت ٿي ويو آهي. ھنن چيو ته گپچاڻي ٿاڻي جي حد ۾ آئيس جو نشو ۽ نشي واريون گوريون سرعام وڪرو ٿي رھيون آھن، جنهن سبب نوجوانن جون زندگيون ضايع ٿي رهيون آهن، پوليس خاموش تماشائي بڻيل آهي. ھنن ڊي آءِ جي ۽ ايس پي شھيد بينظير آباد کان مطالبو ڪيو ته معاملي جو نوٽيس وٺي زهر وڪڻندڙن خلاف ڪارروايون ڪري نوجوانن جون قيمتي حياتيون بچايون وڃن…..