گڏيل قومن جي جنرل اسيمبلي فلسطين کي مڪمل رڪنيت ڏيڻ وارو ٺهراءُ اڪثريت سان منظور ڪري ورتو.
عرب ميڊيا موجب گڏيل قومن جي جنرل اسيمبلي ۾ گڏيل عرب امارتن طرفان ٺهراءُ پيش ڪيو ويو، جنهن جي حق ۾ 143 ملڪن ووٽ ڏنو، آمريڪا، اسرائيل، ارجنٽائن ۽ هنگري سميت 9 ملڪن ان جي مخالفت ڪئي جڏهن ته 25 ملڪن ووٽنگ ۾ حصو نه ورتو.
عالمي تنظيم جي جنرل اسيمبلي فلسطين جي مڪمل ميمبر بڻجڻ جي اهليت کي تسليم ڪري ورتو، جنرل اسيمبلي سلامتي ڪائونسل کي ٺهراءَ جي حمايت جي سفارش ڪئي.
واضح رهي ته ووٽنگ کانپوءِ فلسطين کي گڏيل قومن جي رڪنيت ته ناهي ملي پر فلسطين کي گڏيل قومن جو مستقل ميمبر بڻجڻ جو اهل تسليم ڪيو ويو آهي.
گڏيل قومن ۾ فلسطيني سفير رياض منصور جنرل اسيمبلي کي خطاب ڪندي چيو ته هو امن ۽ ۽ آزادي چاهين ٿا………
