گڏيل قومن جي سيڪريٽري جنرل انتونيو گوتريس هڪ ڀيرو ٻيهر آزاد فلسطيني رياست جي قيام جو مطالبو ڪيو آهي

گڏيل قومن جي سيڪريٽري جنرل انتونيو گوتريس هڪ ڀيرو ٻيهر آزاد فلسطيني رياست جي قيام جو مطالبو ڪيو آهي. عرب ميڊيا موجب گڏيل قومن جي سيڪريٽري جنرل انتونيو گوتريس هڪ بيان ۾ چيو آهي ته غزه جي پٽي ۾ جاري جنگ انسانيت لاءِ جهنم کان گهٽ ناهي، غزه جي پٽي ۾ آزاد فلسطيني رياست قائم ڪئي وڃي. انتونيو گوتريس چيو ته وچ اوڀر جو خطو تباهي جي ڪناري تي بيٺل آهي، اتي جاري ڇڪتاڻ کي روڪڻ ضروي ٿي ويو آهي. هن چيو ته غزه جنگ بند وچ اوڀر ۾ ڇڪتاڻ واري فضا کي وڏي حد تائين گهٽائڻ ۾ مددگار ثابت ٿيندي. گڏيل قومن جي سيڪريٽري جنرل وڌيڪ چيو ته غزه پٽي ۾ جاري جنگ سبب امدادي ادارا ڪم ڪرڻ کان لنوائي رهيا آهن.