گڏيل قومن پاران بلوچستان ۾ دهشتگرد حملن جي مذمت، جاچ جو مطالبو

گڏيل قومن بلوچستان ۾ دهشتگرد حملن جي مذمت ڪندي جاچ جو  مطالبو ڪري ڇڏيو. گڏيل قومن جي سيڪريٽري جنرل انتونيو گوتريس جي ترجمان اسٽيفن ڊوجارڪ نيويارڪ ۾ پريس بريفنگ دوران ٻڌايو ته سيڪريٽري جنرل انتونيو گوتريس پاڪستان جي صوبي بلوچستان ۾ حملن جي مذمت ڪري ٿو. سندس چوڻ هو ته يو اين چيف ان ڳالهه تي زور ڏي ٿو ته شهرين خلاف حملا قبولڻ جوڳا ناهن. عالمي اداري جي سيڪريٽري جنرل حملي جي متاثرن سان همدردي ۽ پونيئرن سان تعزيت جوا ظهار ڪيو ۽ پاڪستاني حڪومت کان حملن جي جاچ ڪرڻ ۽ ذميوارن کي ڪيفر ڪردار تائين پهچائڻ جو مطالبو ڪيو آهي.