ڳالهين لاءِ پي ٽي آءِ جون شرطون سمجهه کان ٻاهر آهن:راڻا تنوير حسين

صنعت ۽ پيداوار واري وفاقي وزير راڻا تنوير حسين چيو آهي ته ڳالهين لاءِ پي ٽي آءِ جون شرطون سمجهه کان ٻاهر آهن. شيخوپورا ۾ واٽر فلٽريشن اسڪيم جي افتتاح موقعي تي ڳالهائيندي راڻا تنوير چيو ته پي ٽي آءِ جي شرطن تي عمل ممڪن ناهي. هن چيو ته عوام پي ٽي آءِ جي سول نافرمانيءَ واري تحريڪ ۾ عوام سندن ساٿ نه ڏيندو. راڻا تنوير حسين چيو ته پي ٽي آءِ جي چوڻ تي ئي سڀ ڪجهه ٿيندو آهي، اهي ئي ڏوهي آهن، رينجرز ۽ اهلڪارن جي شهادت بابت عدالتون آزاد آهن ۽ اميد ته قانون موجب فيصلو ڏنو ويندو. وفاقي وزير چيو ته معيشيت جي ترقي ۾ آبادگار ڪرنگهي جي هڏيءَ جي حيثيت رکن ٿا، پي ٽي آءِ جي آبادگار دشمن پاليسين زراعت کي سخت نقصان پهچايو.