ڳڙهي ياسين ٿاڻي جي حد ۾ شر برادري جي ٻن ڌرين ۾ زمين جي مالڪي جي تڪرار تان جهيڙي دوران فائرنگ ۾ 2 سڳا ڀائر قتل ٿي ويا آهن.
ڳوٺ ماهي خان شر ۾ طالب شر ۽ سراج شر ڌرين ۾ زمين جي تڪرار تان جهيڙو ٿي پيو.
ٻنهي ڌرين ۾ جهيڙي دوران هٿياربندن ڳوليون هڻي سڪندر شر ۽ سندس ڀاءُ صلاح الدين کي قتل ڪري ڇڏيو.
اطلاع ملڻ بعد پوليس واقعي واري هنڌ پهچي ٻنهي ڀائرن جا لاش کڻائي اسپتال منتقل ڪري ڇڏيا، جتان پوسٽ مارٽم ڪرائڻ بعد مڙهه وارثن حوالي ڪري ڇڏيا.
پوليس جو چوڻ آهي ته واقعو زمين جي مالڪي تي تڪرار تان پيش آيو آهي، وڌيڪ جاچ ڪئي پئي وڃي.
