آءِ ايم ايف  کان ست ارب ڊالر بيل آئوٽ پيڪيج، اڳواٽ شرط پورا ٿيڻ تي پاڪستان  بابت  بورڊ جو اجلاس گهرائڻ جو امڪان

آءِ ايم ايف  کان ست ارب ڊالر بيل آئوٽ پيڪيج، اڳواٽ شرط پورا ٿيڻ تي پاڪستان  بابت  بورڊ جو اجلاس گهرائڻ جو امڪان آهي. آءِ ايم ايف  جي ايگزيڪيوٽو بورڊ 6 سيپٽمبر تائين شيڊول جاري ڪري ڇڏيو آهي. ايگزيڪيوٽو بورڊ اجلاس ۾ ويتنام، يوگنڊا ۽ ڊينمارڪ سميت 7 ملڪن جا ايجنڊا شامل آهي. اڳواٽ شرط پورا ٿيڻ تي پاڪستان  بابت  بورڊ جو اجلاس گهرائڻ جو امڪان آهي. ناڻي واري وزارت جي ذريعن موجب حڪومت 2 ارب ڊالرن جي اضافي پرڏيهي فنانسنگ جي شرط جلد پوري ڪرڻ لاءِ پراميد آهي. ذريعن جو چوڻ آهي ته سعودي عرب، چين، يو اي اي سان به 12 ارب ڊالرن جو قرض رول اوور ڪرائڻ  لاءِ رابطا تيز  ڪيا ويا آهن. ناڻي واري وزارت جي اختيارين موجب پاڪستان ڏانهن سعودي عرب جو 5 ارب ڊالر، چين جو 4 ارب ڊالر ۽ گڏيل عرب امارتن جو 3 ارب ڊالر قرض آهي. پاڪستان سعودي عرب کان اوڌر تي تيل وٺڻ جي سهولت ۽ سيڙپڪاري جو خواهشمند آهي. ذريعن جو چوڻ آهي ته عالمي مالياتي ادارن ۽ ڪمرشل بئنڪن کان قرض وٺڻ لاءِ ڪوششون جاري آهن. واضح رهي ته پاڪستان ۽ آءِ ايم ايف وچ ۾ اسٽاف ليول  معاهدو 12 جولاءِ تي ٿيو هو.