آمريڪا دهشتگردي جي خاتمي لاءِ پاڪستان سان سهڪار جاري رکندو : ميٿيو ملر

آمريڪا پاڪستان ۾ ٿيندڙ دهشتگرد حملن جي مذمت ڪندي ڌماڪن جي متاثر خاندانن سان ڏک ۽ همدردي جو اظهار ڪيو آهي.

آمريڪي پرڏيهي کاتي جي ترجمان ميٿيو ملر پريس بريفنگ جي دوران پاڪستان ۾ آپگهاتي حملن جي مذمت ڪندي متاٿر خاندانن سان تعزيت جو اظهار ڪندي چيو ته پاڪستان جو عوام دهشتگرد حملن جو وڏي پئماني تي نشانو بڻيو آهي.

سندس چوڻ هو ته پاڪستاني سهري ڪنهن خوف کانسواءِ پنهنجي عقيدي تي عمل ڪرڻ جو حق رکن ٿا.

ميٿيو ملر وڌيڪ چيو ته آمريڪا ان ڏک جي گهڙي ۾ متاثرن سان گڏ آهي جيڪي پنهجي پيارن جي قرباني ڏئي چڪا آهن ۽ زخمين جي جلد صحتيابيءَ لاءِ پڻ هو دعاگو آهي.