آمريڪي صدر جوبائيڊن ايران تي وڌيڪ پابنديون لڳائڻ جي ڌمڪي ڏيندي چيو آهي ته هو ايراني ايٽمي ٺڪاڻن تي حملن جي حمايت نٿا ڪن.
واشنگٽن ۾ ميڊيا سان ڳالهائيندي صدر جوبائيڊن جو چوڻ هو ته ايران کي وڌيڪ پابندين کي منهن ڏيڻو پئجي سگھي ٿو، جي سيون اڳواڻن جو اجلاس طلب ڪيو آهي، جنهن ۾ اهم معاملن تي ڳالهه ٻولهه ٿيندو.
سندس چوڻ هو ته جي سيون اجلاس ۾ وچ اوڀر جي صورتحال جو جائزو ورتو ويندو، هو جلد اسرائيلي وزيراعظم سان به ڳالهائيندو.
ٻئي پاسي امريڪي پرڏيهي کاتي پنهنجي شهرين کي تڪڙ ۾ لبنان ڇڏڻ جي هدايت ڪئي آهي.
امريڪي پرڏيهي کاتي جي ترجمان ميٿو ملر جو چوڻ آهي ته امريڪي شهرين جي بيروت مان واپسيءَ لاءِ خصوصي اڏامن جو انتظام ڪيو ويو آهي.
سندس چوڻ هو ته آمريڪي شهرين کي ڪجهه ڏينهن ۾ بيروت مان آڻڻ لاءِ وڌيڪ اڏامن جو بندوبست ڪيو ويندو.
آمريڪي پرڏيهي کاتي جي ترجمان ميٿيو ملر وڌيڪ چيو ته امريڪا وچ اوڀر جي صورتحال گهري نظر رکيون ويٺو آهي.
