خطي ۾ ڇڪتاڻ وڌائڻ آمريڪا ۽ يورپ جي مفاد ۾ نه آهي : ايراني صدر

ايران جي صدر مسعود پزشڪيان چيو آهي ته ايران جنگ ۽ رتوڇاڻ جو خواهشمند ناهي، ايران خطي ۾ امن استحڪام گهري ٿو، خطي ۾ ڇڪتاڻ وڌائڻ آمريڪا ۽ يورپ جي مفاد ۾ نه آهي. ايراني صدر مسعود پزشڪيان دوحا ۾ صحافين سان ڳالهائيندي چيو ته جيڪڏهن اسرائيل جوابي ڪارروائي جي ڪوشش ڪئي ته ايران جو جواب وڌيڪ سخت ۽ طاقتور هوندو. هن وڌيڪ چيو ته اسرائيل ايران جي معزز مهمانن کي شهيد ڪري ڇڪتاڻ جي شروعات ڪئي، اسرائيل خطي ۾ ڇڪتاڻ جو دائرو وڌائڻ چاهي ٿو. ايراني صدر چيو ته خطي ۾ ڇڪتاڻ وڌائڻ  آمريڪا ۽ يورپ جي مفاد ۾ نه آهي، يورپي ملڪ ۽ آمريڪا اسرائيل جي وڌندڙ ڏوهن کي روڪرائين.