آمريڪي صدارتي چونڊن لاءِ ووٽنگ جي شروعات ٿي وئي

آمريڪي صدارتي چونڊن لاءِ ووٽنگ جي شروعات ٿي وئي آهي، ملڪ ۾ 6 مختلف ٽائيم زون هجڻ سبب مختلف رياستن ۾ پولنگ جي شروعات  ۽ پڄاڻي ڌار ڌار وقتن تي ٿيندي، ري پبليڪن اميداور ڊونلڊ ٽرمپ پنهنجو ووٽ ڪاسٽ ڪري ڇڏيو. آمريڪي ميڊيا موجب آمريڪي صدارتي چونڊن لاءِ ورمونٽ رياست ۾ پولنگ جو عمل جاري آهي، جڏهن ته نارٿ ڪيرولانا، اوهائيو ۽ ويسٽ ورجينيا ۾ به ووٽنگ جي شروعات ٿي وئي آهي. نيويارڪ  ۽ نيوجرزي ۾ به ووٽر پولنگ اسٽيشنن جو رخ ڪري رهيا آهن، جڏهن ته نيو هيمپشر ۽ ڪنيٽي ڪٽ ۾ به ووٽنگ جاري آهي. نارٿ ڪيرولانا  سوئنگ اسٽيٽس ۾ شامل آهي، جيڪا ڪنهن به اميدوار جي ڪاميابي ۾ فيصلائتي هوندي. آمريڪي صدراتي اميدوار ڊونلڊ ٽرمپ پنهنجو ووٽ ڪاسٽ ڪري ڇڏيو. آمريڪي ميڊيا موجب 7 ڪروڙ 89 لک ماڻهو اڳ ئي ووٽ ڪاسٽ ڪري چڪا آهن ۽ ڪنهن به اميدوار کي کٽڻ لاءِ گهٽ ۾ گهٽ 270 اليڪٽورل ووٽ گهربل هوندا. آمريڪا ۾ صدارتي چونڊ ۾ اليڪشن جي ڏينهن ووٽنگ جي شروعات رات نيو هميپشائر ۾ ٿيو ۽ پهريون ووٽ نيو هيمپشائر جي هڪ ننڍي ڳوٺ ڊاڪسوائل نوچ ۾ ڪاسٽ ڪيو ويو. ڊاڪسوائل نوچ ۾ ڪل 6 ووٽ رجسٽر هئا، جن مان ڪملا هيرس ۽ ڊونلڊ ٽرمپ ٻنهي کي 3-3 ووٽ مليا.