- Advertisement -
آمريڪي صدارتي چونڊن ۾ ڊونلڊ ٽرم جي ڪاميابي جي نتيجي ۾ برطانيا جي شهزادي هيري جي ڳجهي اميگريشن فائل منظرعام تي اچي سگهي ٿي، بائيڊن انتظاميا اڃا تائين ان فائل کي رليز ٿيڻ کان روڪيو آهي.
2016 جي چونڊن دوران ميگهن مارڪل طرفان ٽرمپ کي عورت دشمن قرار ڏيڻ ۽ جواب ۾ ٽرمپ طرفان ميگهن لاءِ ڪِريل لفظ استعمال ڪرڻ کانپوءِ ڊونلڊ ٽرمپ ۽ شهزادي هيري وچ ۾ جهيڙو شروع ٿيو.
هن سال فيبروري ۾ ٽرمپ چيو ته جيڪڏهن هو ٻيهر صدر بڻيو ته شهزادي هيري کي سپورٽ نه ڪندو ڇاڪاڻ ته هن ملڪه الزبٿ کي دوکو ڏنو آهي.
ٽرمپ اهو به چيو ته جيڪڏهن پرنس هيري پنهنجي اميگريشن ايپلي ڪيشن ۾ ڪوڙ ڳالهايو ته مناسب ڪارروائي ڪئي ويندي.
شهزادي هيري جي آمريڪي اميگريشبن جي درخواست تي ان وقت سوال شروع ٿيا جڏه هن 2023 ۾ پنهنجي يادداشت ۾ اعتراف ڪيو ته هو تفريحي طور منشيات استعمال ڪندو رهيو آهي.- Advertisement -
