- Advertisement -
آمريڪي عملدارن طالبان تي زور ڏنو آهي ته هـُو افغانستان ۾ انساني حقن جي بگرجندڙ صورتحال کي ختم ڪرڻ لاءِ پنهنجون پاليسيون واپس وٺن.
امريڪي پرڏيهي کاتي طرفان دوحه ۾ آمريڪا ۽ افغان طالبان وچ ۾ ٻن ڏينهن واري ملاقات جي پڌرائي جاري ڪئي وئي.
پڌرائي موجب، 30 ۽ 31 جولاءِ تي امريڪا جي خاص نمائندي ٿامس ويسٽ، افغان عورتن ۽ انساني حقن جـِي خاص ايلچي رينا اميري ۽ دوحا ۾ ترسيل افغانستان لاءِ امريڪي مشن جي چيف ڪيرن ڊيڪر، افغان وفد سان ملاقات ڪئي.
پڌرائي موجب، امريڪي وفد افغان مرڪزي بينڪ ۽ افغان ناڻي واري وزارت جي عملدارن سان به گڏجاڻي ڪئي.
پڌرائي موجب، آمريڪي وفد جو چوڻ آهي ته کين عورتن ۽ اقليتن تي پابندين تي سخت ڳڻتي آهي.
آمريڪي وفد افغان عوام ۾ اعتمادي سازي لاءِ مختلف معاملن جي نشاندهي ڪئي.
آمريڪي وفد انساني همدردي تحت امداد فراهم ڪندڙ تنظيمن جي ضرورت تي زور ڏنو.- Advertisement -
