اتر آمريڪي ملڪ ميڪسيڪو ۾ تيز برساتن ۽ ٻوڏ تباهي مچائي ڇڏي، مختلف حادثن ۾ 130 ماڻهو فوت ٿي ويا ۽ ڪيترائي گم آهن

اتر آمريڪي ملڪ ميڪسيڪو ۾ تيز برساتن ۽ ٻوڏ تباهي مچائي ڇڏي، مختلف حادثن ۾ 130 ماڻهو فوت ٿي ويا ۽ ڪيترائي گم آهن.

پرڏيهي ميڊيا موجب، تيز برساتن ۽ ٻوڏ سبب هڪ لک گهر متاثر ٿيا آهن، روڊن ۽ پلين سميت انفراسٽرڪچر تباهه ٿي ويو.

اختيارين موجب تيز برساتن مرڪزي رياستن ۾ وڏي تباهي مچائي آهي، جنهن جي ڪري 5 رياستن ۾ بجلي جو نظام ڊانواڊول ٿي ويو آهي.

ميڪسيڪو جي صدر جو چوڻ آهي ته اهڙي تيز برسات جي اميد نه هئي، ريسڪيو ٽيمون پاڻي ۾ ڦاٿل شهرين کي بچائڻ ۽ امدادي سامان پهچائڻ ۾ مصروف آهن.