اسرائيلي فوج جا غزه تي حملا جاري آهن، گذريل 24 ڪلاڪن دوران وڌيڪ 51 فلسطيني شهيد ٿي ويا

اسرائيلي فوج جا غزه تي حملا جاري آهن، گذريل 24 ڪلاڪن دوران وڌيڪ 51 فلسطيني شهيد ٿي ويا. عرب ميڊيا جو چوڻ آهي ته اتر غزه ۾ ڪمال عدوان اسپتال کي اسرائيلي فورسز ڊرون سان نشانو بڻايو جنهن ۾ 29 فلسطيني شهيد ٿي ويا. عرب ميڊيا موجب، نصيرات ڪيمپ تي اسرائيلي حملي ۾ شهيدن جو انگ 20 ٿي يو جڏهن ته نصيرات ڪيمپ جي شهيدن ۾ 6 ٻار ۽ 5 عورتون به شامل آهن. عرب ميڊيا جي رپورٽ موجب، اسرائيلي فوج بيت الاهيه ۾ انڊونيشيا جي اسپتال کي پڻ نشانو بڻايو جنهن سبب ڪجهه ماڻهو زخمي ٿيا. عرب ميڊيا موجب، اسرائيلي بمباري سبب شهيد فلسطينين جو انگ 44 هزار 612 ٿي ويو. ٻئي پاسي لبنان ۾ حزب الله سان جنگ بندي باوجود اسرائيلي حملا جاري آهن جنهن جي نتيجي ۾ 5 ڄڻا زخمي ٿي پيا