اسرائيل جي غزه تي وحشياڻي بمباري جاري آهي، گذريل 24 ڪلاڪن دوران وڌيڪ 31 فلسطيني شهيد

اسرائيل جي غزه تي وحشياڻي بمباري جاري آهي، گذريل 24 ڪلاڪن دوران وڌيڪ 31 فلسطيني شهيد ۽ ڪيترائي زخمي ٿيا. عرب ميڊيا جو چوڻ آهي ته اسرائيلي فوج اتر، ڏکڻ ۽ وچ غزه وارن علائقن ۾ گھرن ۽ پناهگير ڪيمپن تي حملا تيز ڪري ڇڏيا آهن. عرب ميڊيا موجب، غزه سٽي ۽  جباليه ۾ پناهگير ڪيمپن ۽  اسڪولن تي بمباري ۾ 12 ڄڻا شهيد ٿي ويا، غزه ۾ گذريل 48 ڪلاڪن ۾ 61 فلسطيني شهيد 7 ڪيتريون ئي عمارتون مٽي جو ڍير ۾ تبديل ٿي ويون. عرب ميڊيا موجب، حماس، اسلامڪ جهاد ۽ الفتح تنظيم جي ويڙهاڪن جون اسرائيلي فوج سان چڪريون جاري آهي. عرب ميڊيا جو وڌيڪ چوڻ آهي ته غزه ۾ 7 آڪٽوبر 2023 کان اسرائيلي حملن ۾ شهيدن جو انگ 40 هزار 939 ٿي ويو جڏهن ته 94 هزار 616 ماڻهو زخمي ٿي چڪا آهن. ٻئي پاسي اسرائيل ۾ هزارين ماڻهن وزيراعظم نيتن ياهو خلاف احتجاجي مظاهرو ڪري نعريبازي ڪئي آهي. اسرائيلي ميڊيا موج، مظاهرين شيبه، حيفه ۽ والاريل بيت القمدس جا روڊ بند ڪري ڇڏيا. مظاهرين جو چوڻ هو ته قيدين جي آزادي جي لاءِ جنگ بندي جو معاهدو ڪيو وڃي، وزيراعظم نيتن ياهو جنگ بندي معاهدي ۾ وڏي رڪاوٽ آهي کيس فورن استعيفى ڏيڻ گھرجي………