اسلام ڪوٽ ۾ گهرو اڻبڻت تان ناريءَ ڦاهو کائي آپگهات ڪري ڇڏيو

اسلام ڪوٽ ۾ گهرو اڻبڻت تان ناريءَ ڦاهو کائي آپگهات ڪري ڇڏيو.

پيرڪالوني ۾ 19ورهين جي ڌيا زال ديوان ڀيل گهرو اڻبڻت تان چوئنري اندر ڦاهو کائي زندگي جو انت آندو.

اطلاع تي پوليس واقعي واري هنڌ پهچي ناري جو لاش کڻائي اسپتال پهچايو، جتان پوسٽ مارٽم کانپوءِ مڙهه وارثن حوالي ڪيو ويو.

ناري ڌيا جي پيءُ سومار ڀيل ازام هنيو ته ڌيءُ تي سندس مڙس ۽ گهر جا ٻيا ڀاتي تشدد ڪندا هئا، اڄ ڌيءُ جي ساهرن فون ڪري آپگهات ڪرڻ جو اطلاع ڏنو.

پوليس جو چوڻ هو ته واقعي جي جاچ ڪئي پئي وڃي، پوسٽ مارٽم رپورٽ اچڻ بعد ناري جي موت جو ڪارڻ معلوم ٿي سگهندو