- Advertisement -
اليڪشن ڪميشن سنڌ جي ستن ٽائون ڪميٽين کي چيئرمينن ۽ وائيس چيئرمينن کي هٽائي ڇڏيو، هٽايل چيئرمينز ۽ وائيس چيئرمينز سنڌ حڪومت پاران پاس ڪيل قانون تحت پاڻ کي چونڊرائي نه سگهيا هئا.
اليڪشن ڪميشن نوٽيفڪيشن جاري ڪري سنڌ جي ستن ٽائون ڪميٽين جي چيئرمينن ۽ وائيس چيئرمينن جون سيٽون خالي قرار ڏئي ڇڏيون آهن،
شڪارپور ضلعي ڪائونسل جي وائيس چيئرمين ۽ ميونسپل ڪميٽي ٽنڊي محمد خان جي وائيس چيئرمين جي سيٽ خالي قرار ڏني وئي آهي.
اليڪشن ڪميشن پاران سانگهڙ ضلعي ڪائونسل جي چيئرمين ۽ ڄام نواز علي ٽائون ڪميٽي جي وائيس چيئرمين جي به سيٽ خالي قرار ڏني وئي آهي.
ٺارو شاهه ٽائون ڪميٽي جي اڻ چونڊيل چيئرمين علي خان عالماڻي ۽ ڀرياسٽي جي چيئرمين نور محمد شاهه کي به گهر ڀيڙو ڪيو ويو آهي.
اليڪشن ڪميشن دريا خان مري جي وائيس چيئرمين طاهر راجپوت کي به هٽائي ڇڏيو آهي، ان حوالي سان نوٽيفڪيشن به جاري ڪيو ويو آهي………..- Advertisement -
