- Advertisement -
امريڪي شهر ڊيلاويئر ۾ هٿيار رکڻ ۽ حملي جي رٿابندي جي الزام هيٺ پاڪستاني ڄائي امريڪي شهري کي گرفتار ڪيو ويو.
امريڪي ميڊيا پوليس رپورٽ جو حوالو ڏيندي چيو ته 25 ورهين جي جوابدار لقمان خان جي گاڏي ۽ گهر مان وڏي مقدار ۾ هٿيار ۽ بارود هٿ ڪيو ويو آهي.
ميڊيا رپورٽن موجب، لقمان خان کي 24 نومبر تي گرفتار ڪيوويو، جوابدار ڊيلاويئر يونيورسٽي جي پوليس ڊپارٽمينٽ تي حملي جي رٿابندي ڪئي هئي، سندس قبضي مان حملي جي منصوبا بندي جا نوٽس به مليا آهن.
سرڪاري پراسيڪوٽر موجب، لقمان خان پاڪستاني ڄائو امرڪي شهري ۽ ڊيلاويئر يونيورسٽي جو شاگرد آهي.
جوابدار تي غير قانوني مشين گن رکڻ ۽ حملي جي رٿابندي جا الزام ۾ 26 نومبر تي لاڳو ڪيا ويا، کيس 11 ڊسمبر تي عدالت ۾ پيش ڪيو ويندو………..
- Advertisement -
