امريڪي صدر جوبائيڊن سان گڏيل عرب امارتن جي صدر شيخ محمد بن زيد النهيان جي ملاقات

امريڪي صدر جوبائيڊن گڏيل عرب امارتن جي صدر شيخ محمد بن زيد النهيان سان وائٽ هائوس ۾ ملاقات ڪئي آهي. امريڪي ميڊيا جو چوڻ آهي ته ٻنهي اڳواڻن وچ ۾ اسرائيل-لبنان ڇڪتاڻ گھٽائڻ تي خيالن جي ڏي وٺ ڪئي وئي. امريڪي ميڊيا موجب، امريڪي ۽ يو اَي اِي جي صدر غزه جنگ بندي جي ڪوششن تي به ڳالهيون ڪيون. ان موقعي تي صدر جوبائيڊن جو چوڻ آهي ته سندس ٽيم لبنان-اسرائيل ڇڪتاڻ گھٽ ڪرڻ لاءِ مستقل ڪم ڪري رهي آهي.