ايشياڪپ ۽ افغانستان خلاف ون ڊي سيريز لاءِ قومي ڪرڪيٽ ٽيم جو اعلان ڪيو ويو، فهيم اشرف، طيب طاهر ۽ سعود شڪيل کي اسڪواڊ جو حصو بڻايو ويو آهي.
قومي ٽيم جي چيف سليڪٽر انضمام الحق ايشياڪپ لاءِ 17 رڪني ۽ افغانستان خلاف ون ڊي سيريز لاءِ ارڙهن رڪني اسڪواڊ جو اعلان ڪيو آهي.
سعود شڪيل کي افغانستان خلاف سيريز لاءِ ارڙهن رڪني اسڪواڊ ۾ شامل ڪيو ويو آهي، هو ايشياڪپ واري اسڪواڊ ۾ شامل نه هوندو.
قومي سليڪشن ڪميٽي ۾ انضمام الحق کانسواءِ ڊائريڪٽر مڪي آرٿر ۽ هيڊ ڪوچ گرانڊ بريڊ برن ڪپتان بابر اعظم سان صلاح مشوري بعد ٽيم کي قطعي شڪل ڏني.
اسڪواڊ ۾ ڪپتان بابر اعظم، عبدالله شفيق، فخرزمان، امام الحق، سلمان آغا، افتخار احمد، طيب طاهر، محمد رضوان، محمد حارث، شاداب خان، محمد نواز، اساما مير، فهيم اشرف، حارث رئوف، محمد وسيم جونيئر، نسيم شاهه، شاهين شاهه آفريدي ۽ سعود شڪيل شامل آهن.
طيب طاهر ۽ فهيم اشرف کي شان مسعود ۽ احسان الله جي جاءِ تي ٽيم ۾ شامل ڪيوويو آهي
