ايم ڊي ڪيٽ ٽيسٽ جا قطعي نتيجا 18 ڊسمبر تائين جاري ڪرڻ جو اعلان

آءِ بي اي سکر جي وائيس چانسلر آصف شيخ چيو آهي  ته ايم ڊي ڪيٽ ٽيسٽ جا نتيجا 18 ڊسمبر تائين جاري ڪيا ويندا، شاگرد سڀاڻي شام تائين پنهنجا اعتراض جمع ڪرائي سگهن ٿا. سنڌ ٽي وي نيوز سان ڳالهائندي وي سي آصف شيخ جو چوڻ هو ته جيڪڏهن شاگردن جا اعتراض درست ثابت ٿيا ته انهن جو ازالو ڪيو ويندو،ايم ڊي ڪيٽ ٽيسٽ بهترين انداز ۾ ورتي وئي آهي. وي سي آصف شيخ جو چوڻ هو ته آءِ بي اي سکر ايم ڊي ڪيٽ ٽيسٽ شفاف انداز ۾ ورتي آهي، آءِ بي اي ٽيسٽن بابت سنڌ حڪومت سان ٽن سالن جو معاهدو ڪيو آهي، ٽن سالن تائين جيڪا به ٽيسٽ ٿيندي وٺڻ لاءِ تيار آهيون. آءِ بي اي جي وي سي آصف شيخ جو وڌيڪ چوڻ هو ته سنڌ ٽي وي نيوز ٽيسٽ ۽ شفافيت کي بهتر انداز ۾ رپورٽ ڪيو، اهِڙي بهترين رپورٽنگ واکاڻ جوڳو عمل آهي.