اڳوڻي وفاقي گهرو وزير راڻا ثناءَ الله سوشل ميڊيا تي وائرل دستاويزن جي جاچ جو مطالبو ڪري ڇڏيو

اڳوڻي وفاقي گهرو وزير راڻا ثناءَ الله سوشل ميڊيا تي وائرل دستاويزن جي جاچ جو مطالبو ڪري ڇڏيو، سندس چوڻ آهي ته سائفر جي ڪاپي پي ٽي آءِ چيئرمين وٽ هئي جيڪا واپس نه ڪئي وئي، اڳوڻو وزيراعظم ڏوهي ثابت ٿئي ته آفيشل سيڪرٽ ايڪٽ تحت ڪارروائي ٿيڻ گهرجي.

سماجي رابطن واري ويب سائيٽ ايڪس تي جاري ڪيل پنهنجي بيان ۾ راڻا ثناءُ الله چيو ته عالمي ميڊيا تي سامهون آيل آمريڪي سائفر جي تصديق لاءِ جاچ ڪئي وڃي.

سندس چوڻ هو ته ان ڳالهه کي نه وسارڻ گهرجي ته سائفر جي ڪاپي پي ٽي آءِ چيئرمين وٽ هئي جيڪا هن واپس نه ڪئي هئي ۽ ان بابت اڳوڻي وزيراعظم جي اها ڳالهه رڪارڊ تي موجود آهي ته سائفر جي ڪاپي گم ٿي وئي آهي.

اڳوڻي وفاقي گهرو وزير راڻا ثناءُ الله چيو ته اڳوڻو وزيراعظم ڏوهي ثابت ٿئي ٿو ته آفيشل سيڪرٽ ايڪٽ تحت ڪيس هلائڻ گهرجي.