تحريڪ انصاف انٽرا پارٽي چونڊ بابت اليڪشن ڪميشن جي فيصلي کي پشاور هائيڪورٽ ۾ چئلينج ڪري ڇڏيو

پاڪستان تحريڪ انصاف چونڊ نشان ڪيس تي اليڪسن ڪميشن جي فيصلي خلاف اڄ پشاور هاءِ ڪورٽ سان رابطو ڪندي. تحريڪ انصاف جي قانوني ٽيم اڄ اليڪشن ڪميشن جي فيصلي خلاف درخواست داخل ڪندي. درخواست بريسٽر گوهر علي خان، بيرسٽر علي ظفر ۽ شاهه فيصل اتمان خيل طرفان داخل ڪئي ويندي، ٻه ڏينهن موڪل هئڻ سبب اڄ درخواست جمع ڪرائڻ جو فيصلو ڪيو ويو آهي. ذريعن جو چوڻ آهي ته بيرسٽر علي گوهر خان پي ٽي آءِ باني سان جيل ۾ ملاقات ڪئي ۽ صلاح مشوري کانپوءِ پشاور هاءِ ڪورٽ ۾ درخواست داخل ڪرڻ جو فيصلو ڪيو آهي، درخواست ۾ اليڪشن ڪميشن جي فيصلي کي ڪالعدم قرار ڏيڻ جي استدعى ڪئي ويندي. واضع رهي ته ڪجهه ڏينهن اڳ اليڪشن ڪميشن آف پاڪستان انٽر پارٽي چونڊون آئين موجب نه ڪرائڻ تي تحريڪ انصاف کان بيٽ جو نشانو واپس وٺي ڇڏيو هو.