جيڪڏهن ادارن ۾ هم آهنگي نه رهندي ته ملڪ ترقي نه ڪندو: اسپيڪر  راجا پرويز اشرف

قومي اسيمبلي جي اسپيڪر  راجا پرويز اشرف چيو آهي ته جيڪڏهن ادارن ۾ هم آهنگي نه رهندي ته ملڪ ترقي نه ڪندو. اسلام آباد ۾ ميڊيا سان ڳالهائيندي قومي اسيمبلي جي اسپيڪر راجا پرويز اشرف چيو ته جيڪڏهن ڪنهن قوم تي ڏکيو وقت اچي ويندو آهي ته گڏجي اڳتي وڌڻو پوندو آهي، ڪا به هڪ پارٽي نه پر پوري قومي کي گڏ ويهڻو پوندو آهي. هن چيو ته ڪنهن کان چونڊ نشان واپس وٺڻ ڪا وڏي ڳالهه نه آهي، ماضي ۾ پيپلزپارٽي کان به چونڊ نشان تلوار واپس ورتو ويو هو. راجا پرويز اشرف چيو ته ليول پليئنگ فيلڊ سڀني لاءِ برابر هجڻ گهرجي، آزاد ۽ شفاف چونڊون ڪرائڻ اليڪشن ڪميشن جي ذميواري آهي. هن چيو ته 9 مئي تي ريڊ لائين ڪراس ڪئي وئي، اهڙي عمل جي ڪو به ملڪ يا سماج اجازت نٿو ڏئي سگهي………..