- Advertisement -
حيدرآباد ۾ زراعت کاتي جي ٽيم ڪارروائي ڪري غير رجسٽرڊ ڀاڻ جون سوين ٻوريون ھٿ ڪري ورتيون.
ايگريڪلچر ايڪسٽينشن جي ايڊيشنل ڊائريڪٽر محمد بخش ٽالپر، تعلقي ڊپٽي ڊائريڪٽر رياض ميمڻ، ڊپٽي ڊائريڪٽر منور جاگيراڻي ۽ ٻين راھوڪي ويجھو ٽرڪ تي ڇاپو ھڻي 400 غير رجسٽرڊ ڀاڻ جون ٻوريون ھٿ ڪيون.
زراعت کاتي جي آفيسرن جو چوڻ هو ته ھٿ آيل غير رجسٽرڊ ڀاڻ جي ٻورين جا سيمپل وٺي ليبارٽري موڪليا آھن، رپورٽ اچڻ بعد غير رجسٽرڊ ڪمپني خلاف قانوني ڪارروائي ڪئي ويندي.
ھنن چيو ته زراعت کاتي جي صوبائي وزير محمد بخش مھر ۽ سيڪريٽري زراعت محمد زمان ناريجو ۽ ڊي جي ايگريڪلچر منير جماڻي جي خاص ھدايتن تي جعلي ڀاڻ ۽ زرعي دوائون وڪرو ڪندڙن خلاف ڪريڪ ڊائون شروع ڪيو ويو آھي.
سندن چوڻ هو ته ھارين ۽ آبادگارن کي معياري ڀاڻ ۽ زرعي دوائن جي رسائي اولين ترجيحن ۾ شامل آھن.- Advertisement -
