- Advertisement -
سنڌ هاءِ ڪورٽ سرڪٽ بئنچ حيدرآباد ميھڙ ٿاڻي تي دھشتگردي ايڪٽ تحت داخل ڪيس ۾ اڳوڻي ايم اين اي عمران ظفر لغاري جي حفاطتي ضمانت منظور ڪري ورتي.
سنڌ هاءِ ڪورٽ سرڪٽ بئنچ حيدرآباد ۾ عمران ظفر لغاري پنھنجي وڪيل معرفت گرفتاري کان اڳ واري ضمانت لاءِ درخواست داخل ڪرائي.
جسٽس سلطانا ڪوثر ۽ جسٽس خادم حسين سومرو تي ٻڌل بئنچ ٻڌڻي ڪندي عمران ظفر لغاري جي 30 ھزار رپين جي مچلڪن عيوض 10 ڏينھن لاءِ گرفتاري کان اڳ واري ضمانت منظور ڪئي.
اليڪشن جي ڏينھن مبينا حملو، فائرنگ ۽ ڀڄ ڊاھ جو عرفان ظفر لغاري، قمبر لغاري ۽ عمران ظفر لغاري سميت 200 نامعلوم ماڻھن تي ميھڙ ٿاڻي تي سرڪار جي فرياد تي ڪيس داخل ڪيو ويو ھو .
عرفان ظفر لغاري ۽ قمبر لغاري سميت ڪيترائي ڪارڪن گرفتار آھن .
هڪ ڏينهن اڳ نوشھروفيروز جي عدالت عرفان لغاري ۽ قمبر لغاري کي جيل موڪلي ڇڏيو ھو…..- Advertisement -
