دادو ۾ مارجي ويل قمر الدين چانڊيي جي قاتلن جي گرفتاري لاءِ وارثن ڌرڻو

دادو ويجهو پاٽ شريف ۾ چار  ڏينھن اڳ ھٿياربندن جي فائرنگ ۾ مارجي ويل قمر الدين چانڊيي جي قاتلن جي گرفتاري لاءِ وارثن ڌرڻو هڻي نعريبازي ڪئي.

ڌرڻي سبب انڊس هاءِ وي تي ٽريفڪ معطل ٿي وئي ، جڏهن ته جسقم چيئرمين صنعان قريشي ڌرڻي واري هنڌ پهچي مظاهرين سان ٻڌي جو اظهار ڪيو.

ان موقعي تي جسقم چيئرمين صنعان قريشي چيو ته سنڌ جا ماڻهو بيرزگاري، بک، بدحالي، مھانگائي ۽ قبيلائي جھيڙن جي ور چڙھيل آھي.

هن چيو ته روزانو  سنڌ جي ماڻهن کي اغوا ڪري قتل ڪيو وڃي ٿو، جڏهن ته قانون لاڳو ڪندڙ ادارا خاموش آھن. جسقم چيئرمين صنعان قريشي چيو ته مقتول قمر الدين چانڊيو جا قاتل فوري طور گرفتار ڪري کين سخت سزا ڏني وڃي .