راڻيپور: فاطمه ڪيس ۾ صحافين کي ڌمڪيون ڏيندڙ جوابدار جو 3 ڏينهن رمانڊ منظور

راڻيپور جي عدالت فاطما ڦرڙو ڪيس ۾ رنڊڪ وجهڻ، صحافين ۽ پوليس کي ڌمڪيون ڏيڻ واري ڪيس ۾ جوابدار اڪبر ڪلهوڙي کي ٽن ڏينهن جي رمانڊ تي پوليس حوالي ڪري ڇڏيو.

راڻيپور جي عدالت ۾ فاطما ڦرڙو ڪيس ۾ رنڊڪ وجهڻ، صحافين ۽ پوليس کي ڌمڪيون ڏيڻ واري ڪيس جي ٻڌڻي ٿي.

ٻڌڻي دوران پوليس جوابدار اڪبر ڪلهوڙي کي عدالت ۾ پيش ڪيو.

عدالت جوابدار اڪبر ڪلهوڙي کي ٽن ڏينهن جي رمانڊ تي پوليس حوالي ڪري ڇڏيو.

ميڊيا سان ڳالهائيندي جوابدار اڪبر ڪلهوڙي چيو ته جذبات ۾ اچي صحافين ۽ پوليس آفيسرن کي گهٽ وڌ ڳالهايو جنهن تي هو شرمسار آهي، هو صحافين ۽ پوليس آفيسرن کان معافي وٺي ٿو.

پوليس موجب، ڪيس ۾ ٻين جوابدارن جي گرفتاري لاءِ چاپا هنيا پيا وڃن.