سنڌو درياهه ۾ پاڻي جي وهڪرن ۾ مسلسل لاٿ جو سلسلو برقرار

سنڌو درياهه ۾ پاڻي جي وهڪرن ۾ مسلسل لاٿ جو سلسلو برقرار آهي، سکر بئراج وٽ پاڻي جي کوٽ 57 سيڪڙو تائين پهچي وئي،  تربيلا ڊيم ۾ به پاڻي جي وهڪرن ۾ وڌيڪ هڪ انچ لاٿ اچي وئي آهي. تربيلا ڊيم ۾ پاڻي ليول هڪ انچ گهٽجڻ بعد ڊيم جو ليول 14 سئو 05 فوٽ رهجي ويو آهي. سکر بئراج ۾ پاڻي کوٽ 57 سيڪڙو تي پهچڻ سبب واهن ۾ وارا بندي ڪئي وئي. سکر بئراج کي هن وقت پاڻي  گهرج 30 هزار ڪيوسڪ آهي جڏهن ته واهن کي رڳو 12 هزار 940 ڪيوسڪ پاڻي فراهم ڪيو پيو وڃي. سکر بئراج جو مٿانهون وهڪرو 20هزار 40ڪيوسڪ ۽ هيٺانهون وهڪرو 7 هزار هڪ سئو ڪيوسڪ رڪارڊ ڪيو ويو. سکر بئراج کي گهرج کان 17 هزار 60 ڪيوسڪ پاڻي گهٽ ملڻ لڳو، سنڌ ۾ مجموعي طور کوٽ 28 سيڪڙو تي پهچي وئي آهي. سنڌ کي مجموعي پاڻي گهرج 39 هزار230 ڪيوسڪ رهي، جڏهن ته سنڌ کي رڳو 28 هزار 342 ڪيوسڪ پاڻي  ملي رهيو آهي.