- Advertisement -
سنڌ جي مختلف شهرن ۾ ڌار ڌار روڊ حادثن ۾ هڪ عورت فوت ۽ 31 ڄڻا زخمي ٿي پيا.
ڪنڊياري ويجهو قومي شاهراهه تي ٽرالر جو موٽرسائيڪل کي ٽڪر لڳڻ سبب عورت فوت ۽ سندس مڙس زخمي ٿي پيو.
ٽول پلازا وٽ حادثي ۾ عورت عجيبا ڪلهوڙو موقعي تي ئي فوت ۽ سندس مڙس منير ڪلهوڙو زخمي ٿي پيو.
اطلاع تي پوليس حادثي واري هنڌ پهچي ٽرالر ڊرائيور کي گرفتار ڪري عورت جو لاش ۽ زخمي کي اسپتال منتقل ڪيو، جتان ضروري ڪارروائي بعد مڙهه وارثن حوالي ڪيو ويو.
ٻي پاسي ڪنب ويجهو مهراڻ نيشنل هاءِ وي تي ٻن وينن ۾ ٽڪر ٿيڻ جي نتيجي ۾ 30 مسافر زخمي ٿي پيا.
اطلاع تي پوليس حادثي واري هنڌ پهچي زخمين کي کڻائي اسپتال منتقل ڪيو، جتي کين طبي امداد ڏني وئي….- Advertisement -
