سنڌ جي چيف سيڪريٽري سيد آصف حيدر شاهه ڪراچي ۾ مختلف امتحاني سينٽرن جو دورو ڪري انتظامن جو جائزو ورتو

سنڌ جي چيف سيڪريٽري سيد آصف حيدر شاهه ڪراچي ۾ مختلف امتحاني سينٽرن جو دورو ڪري انتظامن جو جائزو ورتو. چيف سيڪريٽري سيد آصف حيدر شاهه، ڪمشنر ڪراچي سان گڏ ڪراچي ۾ مختلف امتحاني سينٽرن جو دورو ڪيو. سنڌ جي چيف سيڪريٽري نائين ڪلاس جي پيپر دوران انتظامن جو جائزو ورتو. سيد آصف حيدر شاهه گورنمينٽ هاءِ اسڪول جهانگير روڊ ۾ انتظامن جي کوٽ تي ڪاوڙ جو اظهار ڪيو. چيف سيڪريٽري جي ترجمان موجب، سيد آصف حيدر شاهه سيڪريٽري بورڊز ۽ چيئرمين ميٽرڪ بورڊ کي طلب ڪري ورتو. سنڌ جي چيف سيڪريٽري دوري دوران شاگردن سان ڳالهه ٻولهه ڪئي ۽ مسئلا معلوم ڪيا. چيف سيڪريٽري سيد آصف حيدر شاهه هدايت ڪئي ته امتحاني مرڪزن ۾ صفائي سٿرائي ۽ پيئڻ جي صاف پاڻي جي فراهمي کي يقيني بڻايو وڃي.