- Advertisement -
سنڌ سرڪار سکر بئراج جي دروازن جي مرمت ۽ تبديلي لاءِ 502 ملين رپين جي منظوري ڏئي ڇڏي.
وڏي وزير مراد علي شاهه جي صدارت هيٺ آبپاشي کاتي جو اعليٰ سطحي اجلاس ٿيو.
اجلاس ۾ آبپاشي واري صوبائي وزير ڄام خان شوري ۽ ٻين جي شرڪت ڪئي.
وڏي وزير مراد علي شاهه اجلاس ۾ ٻوڏ جي صورتحال کي منهن ڏيڻ لاءِ هنگامي اپاءَ جلد مڪمل ڪرڻ جي هدايت ڪئي.
وڏي وزير مراد علي شاهه اجلاس کي خطاب ڪندي چيو ته ماحولياتي تبديلي کي نظر ۾ رکندي هر ممڪن قدم کنيا وڃن ته جيئن ناڪاري اثرن کان بچي سگهجي.
اجلاس دوران ايم اين وي ڊرين کي لڳل گهارو بند ڪرڻ بابت آبپاشي کاتي جي رپورٽ وڏي وزير حوالي ڪئي وئي.
رپورٽ ۾ چيو ويو ته ايم اين وي ڊرين کي آر ڊي 22 وٽ لڳل گهارو بند ڪيو ويو آهي.
رپورٽ ۾ چيو ويو ته ايم اين وي ڊرين کي جوهي تعلقي جي يوسي ڇني وٽ 750 فوٽ گهارو لڳو هو.
رپورٽ ۾ چيو ويو ته گهارو بند ڪري يوسي ڇني جي مختلف ڳوٺن کي ٻڏڻ کان بچايو ويو آهي.
سيڪريٽري آبپاشي شريف کيڙو، وڏي وزير کي آگاهه ڪيو ته ايم اين وي ڊرين جي آر ڊي زيرو تي گيج لڳائڻ جو ڪم جاري آهي، گيج لڳڻ بعد حمل ۽ هيردين ڍنڍ مان ايندڙ پاڻي جو درست اندازو لڳائي سگهجي ٿو.
وڏي وزير مراد علي شاهه سيڪريٽري آبپاشي کي ايم اين وي ڊرين جي نگراني جي هدايت پڻ ڪئي .- Advertisement -
