- Advertisement -
سنڌ سمارٽ سرويلنس سسٽم تحت سنڌ جي سمورن ٽول پلازن تي آن لائين ڪيمرائون لڳي ويون آهن، وڏو وزير سيد مراد علي شاهه اڄ افتتاح ڪندو.
سمورن 40 ٽول پلازن تي آن لائين ڪيمرائون لڳائڻ سان گڏ آر آر ايف اهلڪار به مقرر ڪيا ويا آهن.
سنڌ حڪومت پاران اڄ کان ايس فور سسٽم جو افتتاح ڪيو ويندو.
سنڌ سرڪار جو چوڻ آهي ته پوليس آهستي آهستي جديد ٽيڪنالاجيءَ تي ٻڌل پوليسنگ ڏانهن وڌي رهي آهي.
ترجمان موجب، سرويلنس سسٽم ڏوهن ۽ ان ۾ ملوث عنصرن خلاف جديد ٽيڪنالاجي سان ليس آهي، هن سسٽم جي فعال ٿيڻ سان ڏوهارين جي چرپر محدود ٿي ويندي ۽ ڏوهن خلاف پوليس جي ڪاميابي جي شرح ۾ نمايان اضافو ٿيندو.- Advertisement -
